اختلاف الثقافات

لو لمبة اتحرقت هيكون تصرف الناس معاها إيه؟
الإجابة البديهية: إن الناس هتغيرها طبعاً!!
لكن ثبت بالتجربة إن الإجابة دي مش وافية لأن تصرف الناس مع اللمبة هيختلف حسب مكانهم وثقافتهم
- فى العراق
لما ناس بتتحرق فى بيتهم لمبة بينزلوا يخطفوا أول أجنبي يقابلوه ويطلبوا من بلده تبعت لمبة جديدة مع واحد يغيرها علشان يفرجوا عن المخطوف
- فى إنجلترا
لو واحد اتحرقت فى بيته لمبة بيتصل بمندوب حلف الأطلنطى علشان ياخد إذن بتركيب لمبة جديدة
- فى السودان
واحد هايمسك اللمبة وخمسة يلفوا السقف
- فى الصين
لما واحد بتتحرق فى بيته لمبه، بيدخل كل البيوت اللى فى شارعهم ويبص تحت السلم، لحد ما يلاقى السلم اللى فيه ناس قاعدة تحتيه بتصنع لمبات، ياخد منهم لمبة علشان يغيرها، ويديلهم بدالها ساعة من اللى هو بيعملها تحت السلم فى بيته
- فى اليمن
لما واحد بتتحرق فى بيته لمبة بيقعد يخزن قات لحد ما يبقى شايف إن اللمبة اتغيرت لوحدها
- فى الخليج
لما واحد بتتحرق فى بيته لمبة بيطلب من الشغالة الفلبينية إنها تبعت السواق الباكستانى يجيب صنايعى هندى يغير له كل اللمبات اللى فى البيت
- فى لبنان
علشان واحد يغير لمبة محروقة لازم واحد تانى يولعله الأرجيلة (الشيشة) وواحدة تغنى للإتنين وواحد ينزل يجيب معسل وسجاير للتلاتة علشان كله يعدل مزاجه قبل الشغل فى اللمبة
- في ليبيا
لو اللمبة اتحرقت بيراجعوا الكتاب الأخضر ويشوفوا فيه تعليمات تغيير لمبة فى الجماهيرية العربية الليبية الشعبية الاشتركية العظمى
- فى الصومال
لما لمبة بتتحرق ماحدش بينتبه للموضوع علشان ماعندهمش كهربا أصلا
- فى المغرب
لما لمبة بتتحرق فى بيت واحد بيروح مسافر فرنسا يشتغل فى المينا هناك أسبوع ويرجع بكرتونة لمبات فى إيده
- فى إيران
لما واحد بتتحرق فى بيته لمبة كهربا بيخرج ينضم للمظاهرات علشان يطالب بحقه فى لمبة نووية
- فى سوريا
لما بتتحرق لمبة بيعملولها استفتاء وتطلع النتيجة إن اللمبة شغالة بنسبة 99.999% ويعملوا احتفال قومى للوصول للنسبة دى، ولو مافيش ميزانيه للاستفتاء يطلع خبر فى الجرايد تانى يوم إن اللمبة انتحرت علشان حست إنها مقصرة فى أداء واجبها القومى
- فى مصر
أى عيل صغير ممكن يغير اللمبة بعد ما يسرق واحدة سليمة من سلم العمارة اللي جنبهم
- فى إسرائيل
لما لمبة بتتحرق بيقولو ان الإرهابيين الفلسطينيين هما اللى حرقوها ويطلبو من أمريكا تبعت لهم بدالها ألف لمبة جديدة وكمان شوية صواريخ وطيارات علشان يقوموا بواجبهم فى الحرب على الإرهاب وينسفوا بيوت الناس اللى حرقوا اللمبة
- فى فرنسا
لما لمبة بتتحرق بياخدوها يعملوها إزازة بارفان وطبعا كل الناس بتقلدهم بعد كده وتبقى موضة
- فى أمريكا الجنوبية
لما واحد بتتحرق فى بيته لمبة بياخد جماعة من أصحابه وكام مدفع رشاش ويلبسوا صاعقة ويطلعوا على قصر الرياسة يعملوا انقلاب ويخلعوا الريس ويمسكوا الحكم ويكلفوا الجيش إنه يغير اللمبات المحروقة اللى عندهم كلها بسرعة قبل ما واحد تانى تتحرق له لمبة وييجى يخلعهم
- فى الولايات المتحدة الأمريكية
لما واحد بتتحرق فى بيته لمبة بيتهموا تنظيم القاعدة بأنه السبب فى حرق هذه اللمبة وعلى هذا الأساس يتم استصدار قرار بالإجماع من مجلس الأمن تحت الباب السادس من ميثاق الأمم المتحدة الذي يسمح باستخدام القوة لتنفيذ القرار ويتم إرسال قوة حربية من قوات التحالف (وكلها أمريكية فقط) مؤلفة من 12000 دبابة مدعومة بـ 243000 من مشاة البحرية و غطاء جوي مؤلف من 846 قاذفة مهمتها البحث والعثور على المجرم الإرهابي الذى فعل هذه الفعلة الشنيعة ويتم نشر قواعد عسكرية فى جميع بلدان الشرق الأوسط للبحث والتحري ويتم إرسال مفتشين دوليين للتأكد من أن جميع دول الشرق الأوسط لا يوجد بها لمبة محروقة ويتم احتلال أي دولة إذا تم التأكد من وجود لمبة محروقة بها باعتبار أن حكوماتها غير قادرة على إيجاد من يغير هذه اللمبة

هى دى مصر

الفاجومى

أنا مابخفش وحفضل أقول
كلمة حق عليها مسؤل
إن الريس راجل طيب وبشعبه دايماًَ مشغول
مشغول إنه يلم فلوسهم
بره سويسرا يحوشهلنا
وف حسبات سريه يشلها .....نفسه يأمن مستقبلنا
شفتوا إزاي بقه قلبه رحيم
عنده إيمان وضميره سليم
بيجوعكوا لجل تخسوا
آه يا شعب محتاج لرجيم
من جهلكوا بتقولوا بطاله
وإن الأحوال مش شغاله
دا الراجل نفسه يريحكم
هي الراحه تبقي عواله ؟؟
أما حكاية المنتجعات
ليه بتسموها معتقلات ؟؟؟؟
ليه الظن...... وسوء النيه
نفسه يفسحكوا يا بهوات
أما الكرسي واللى تقال
دا كلام مش محتاج لسؤال
الغلطه دي غلطتنا يا عالم
إن مجبناش كرسي تيفال
والله إنتوا ظالمين الراجل
ضيع عمره ومين يستاهل
حتى الأكل بيكله بدالنا
طالع واكل نازل واكل
ماله الريس بعد دا كله ؟؟؟

لماذا الاضراب

الاضراب مشروع مشروع
ضد الفقر وضد الجوع

المغفلة " تشيكوف "

منذ أيام دعوتُ الى غرفة مكتبي مربّية اولادي يوليا فاسيليفنا لكي أدفع لها حسابها

قلت لها: اجلسي يايوليا.. هيّا نتحاسب.. أنتِ في الغالب بحاجة إلى النقود، ولكنك خجولة إلى درجة انك لن تطلبينها بنفسك..

حسنا.. لقد اتفقنا على ان ادفع لك ثلاثين روبلا في الشهر

قالت: أربعينقلت:

كلا، ثلاثين.. هذا مسجل عندي.. كنت دائما ادفع للمربيات ثلاثين روبلا..

حسناً، لقد عملت لدينا شهرين

قالت: شهرين وخمسة أيام

قلت: شهرين بالضبط.. هكذا مسجل عندي.. اذن تستحقين ستين روبلا..

نخصم منها تسعة ايام آحاد.. فأنت لم تعلّمي كوليا في أيام الآحاد بل كنت تتنزهين معه فقط..

ثم ثلاثة أيام أعياد

تضرج وجه يوليا فاسيليفنا، وعبثت اصابعها باهداب الفستان ولكن.. لم تنبس بكلمة*******

واصلتُ: نخصم ثلاثة أعياد، اذن المجموع اثنا عشر روبلا.. وكان كوليا مريضاً اربعة ايام ولم تكن دروس.. كنت تدرسين لفاريا فقط.. وثلاثة أيام كانت أسنانك تؤلمك فسمحتْ لك زوجتي بعدم التدريس بعد الغداء.. اذن اثنا عشر زائد سبعة.. تسعة عشر.. نخصم، الباقي ..هم.. واحد واربعون روبلا.. مضبوط؟

احمرّت عين يوليا فاسيليفنا اليسرى وامتلئت بالدمع، وارتعش ذقنها.. وسعلت بعصبية وتمخطت، ولكن.. لم تنبس بكلمة
قلت: قبيل رأس السنة كسرتِ فنجانا وطبقا.. نخصم روبلين.. الفنجان أغلى من ذلك، فهو موروث، ولكن فليسامحك الله! علينا العوض.. وبسبب تقصيرك تسلق كوليا الشجرة ومزق سترته.. نخصم عشرة.. وبسبب تقصيرك ايضا سرقتْ الخادمة من فاريا حذاء.. ومن واجبك ان ترعي كل شئ، فأنتِ تتقاضين مرتباً.. وهكذا نخصم ايضا خمسة..

وفي 10 يناير اخذت مني عشرة روبلا

تهمست يوليا فاسيليفنا: لم آخذ

قلت: ولكن ذلك مسجل عندي

قالت: حسناً، ليكن

واصلتُ: من واحد واربعين نخصم سبعة وعشرين.. الباقي اربعة عشر

امتلأت عيناها الاثنتان بالدموع.. وظهرت حبات العرق على انفها الطويل الجميل.. ياللفتاة المسكينة

قالت بصوت متهدج: أخذتُ مرة واحدة.. أخذت من حرمكم ثلاثة روبلات.. لم آخذ غيرها

قلت: حقا؟ انظري، وانا لم اسجل ذلك! نخصم من الاربعة عشر ثلاثة، الباقي احد عشر.. ها هي نقودك يا عزيزتي! ثلاثة.. ثلاثة.. ثلاثة.. واحد، واحد..

تفضلي ومددت لها احد عشر روبلا.. فتناولتها ووضعتها في جيبها بأصابع مرتعشة.. وهمست: شكراً****

***انتفضتُ واقفا واخذتُ أروح واجئ في الغرفة واستولى عليّ الغضب

سألتها: شكراً على ماذا؟

قالت: على النقود

قلت: ياللشيطان، ولكني نهبتك، سلبتك! لقد سرقت منك! فعلام تقولين شكراً؟

قالت: في أماكن أخرى لم يعطوني شيئا

قلت: لم يعطوكِ؟! ليس هذا غريبا! لقد مزحتُ معك، لقنتك درسا قاسيا..

سأعطيك نقودك، الثمانين روبلا كلها! هاهي في المظروف جهزتها لكِ! ولكن هل يمكن ان تكوني عاجزة الى هذه الدرجة؟

لماذا لا تحتجين؟ لماذا تسكتين؟

هل يمكن في هذه الدنيا ألاّ تكوني حادة الانياب؟

هل يمكن ان تكوني مغفلة الى هذه الدرجة؟

ابتسمتْ بعجز

فقرأت على وجهها: يمكن

سألتُها الصفح عن هذا الدرس القاسي وسلمتها، بدهشتها البالغة، الثمانين روبلا كلها.

. فشكرتني بخجل وخرجت تطلعتُ في اثرها وفكّرتُ:

ماأبشع أن تكون ضعيفاً في هذه الدنيا

التطور التاريخي لحقوق الانسان

اه يا مجتمع نجس

زى الرصيف عايز تنكنس

ناس بتعرق على الخبيز

وناس بتعرق من التنس

* 10 ديسمبر 1948 الإعلان العالمي لحقوق الإنسان
*16 ديسمبر 1966 العهد الدولي الخاص بالحقوق المدنية والسياسية والإقتصادية والإجتماعية والثقافية.
* 23 مارس 1976 البروتوكول الإختياري الملحق بالعهد ادلولي الخاص بالحقوق المدنية والسياسية يدخل حيز التنفيذ.
* 11 جويلية 1991 البروتوكول الإختياري الثاني الملحق أيضا بالعهد الدولي الخاص بالحقوق المدنية والسياسية يدخل حيز التنفيذ. إذا خصصنا هذه التواريخ رأينا أنها تمتد على فترة زمنية مهمة من ديسمبر 1948 إلى جويلية 1991 وقد رعت هذه المواثيق وتسببت في ظهورها منظمة الأمم المتحدة

ومن بعدها أصبح المجتمع المدنى ( المصري ) سبوبة لحقوق الانسان

وهنا يكمن التطور التاريخى للمجتمع المدنى أو لحقوق الانسان

فبعد ما كان مدافع عن قيم الانسانية أصبح اول ناس تنتهكها

لو بصينا على المرتبات الى بيدفعها بتوع حروق الانسان على رأى الليمبي

نلقى رئيس مجلس الادارة بياخذ قد الى بيقبضوه كل اللى فى الجمعية او المركز على الاقل مرتين او تلاتة

وبعد كدة بدأ يتطور اكثر فكرة حقوق الانسان وبدأ اصحاب العمل او المراكز او الجمعيات يطردوا العامليين عندهم بكل وقاحة

وبعد كدة حصل تطور عظيم جداً وهو تهديد العامليين فى حقوق الانسان من قبل أصحاب العمل سواء بالطرد او قطع العيش او كل أصحاب المجتمع المدنى أصحابي ومش هاخلى حد يشغلك عنده

وجاء التطور الاخير فى المجتمع المدنى ( حقوق الانسان ) لما بقى بعضهم بيشتغل مباحث على نفسة

ففى الى خدها من قصيرها وراح على مباحث أمن الدولة وقالهم انا عندى جمعية هاقدم أورقاها ومش عايزكم ترفضوها

وفى اللى بعتوله المباحث وقالو له احنا عايزين نتكلم

وفى اللى راحلهم برجليه ورفعها للضباط وقاللهم انا من زمان عايز أنحرف وأفسد بس مش عارف وبلغ على كل حاجة

وهنا يبقى مجلس الادارة الحقيقي الضابط فلان والمقدم علان والمخبر رئيس مجلس الادارة

الاضراب

الاضرب والاجازة من العمل

فى ناس بتضرب عن الشغل عن طرق انها بتروح الشغل وتعلن اضرابها وانها مش هاتشتغل فى اليوم دة

وفى ناس تانية تقرر انها ما تروحش الشغل يوم الاضراب وتقول انها مضربة ومش هاتنزل من البيت

لكن الى عايز أسأل علية هى ايه قبمة الاضراب

ان الناس ما تروحش الشغل ولا تعلن انها مضربة وليها مطالب لازم تتحقق

على سبيل المثال فى الدعوة الى الاضراب بتاع 6 ابريل الناس بتدعى وتقول ما حدش ينزل من بيته

هو عدم النزول بقى هو الاضراب

يعنى الاضراب اختذل قيمته فى عدم الشغل بس ولا فى مطالب وحاجات تكتيكية المفروض انه يبقى بيقولها

زى احنا مضربين علشان ارتفاع الاسعار او احنا مضربين تضامناً مع كذا او كذا

انما نقعد فى البيت فهو دة الى الدولة عايزاه ان الناس تقعد وماحدش ينزل ومجالس الادارات تقول ان الناس واخدة اجازة عارضة

وعلى العموم مش مهم الاضراب ينجح ولا يفشل

مش مهم غلو السكر او الزيت

المهم الحضرى رجع البيت

ويجعله عامر

زى كريم عامر